நிறுவனர்:நிலாமகள். Powered by Blogger.

எனது சிறகசைப்பில் அலைப்புறும் காற்றில் இளைப்பாற வருக...

மரபின் மைந்தன்: வங்கம் வழங்கிய ஞானஒளி

Thursday, 4 July 2013




(ஜூலை-4 சுவாமி விவேகானந்தர் நினைவு நாள்)
 
எல்லாத் திசைகளும் என்வீடு-என
இங்கே வாழ்ந்தவர்யார்?
நல்லார் அனைவரும் என்னோடு-என
நெஞ்சு நிமிர்ந்தவர்யார்?
நில்லா நதிபோல் விசையோடு-அட
நாளும் நடந்தவர் யார்?
கல்லார் நாடெனும் கறையகற்ற-சுடர்க்
கணையாய்ப் பாய்ந்தவர்யார்
 
எங்கள் கிழக்கில் எழுந்தகதிர்-புகழ்
ஏந்திடும் மேல்திசையில்
பொங்கும் எரிமலை போலெழுந்தே-இருள்
போக்கிடும் நம்முயிரில்
வங்கம் வழங்கிய ஞானஒளி-நம்
விவேகானந்த ஒளி
சிங்கப் பிடரி சிலிர்த்தபடி-அவர்
சென்றது ஞானவழி
 
பூமியை உலுக்கும் புயலாக-அவர்
புறப்பட்ட வேகமென்ன
சாமி உனக்குள் எனசொல்லி -அவர்
சமத்துவம் கண்டதென்ன
தீமைகள் எரிக்கும் கனல்பிழம்பாய்-அவர்
திருமொழி திகழ்ந்ததென்ன
ஓமெனும் மந்திர ஒலிபோலே-அவர்
ஓங்கி யெழுந்ததென்ன
 
எத்தனை யுகங்கள் போனாலும்-அவர்
ஏற்றிய ஒளியிருக்கும்
எத்தனை இடர்கள் வந்தாலும்-அவர்
வார்த்தையில் வழிபிறக்கும்
தத்துவம் மானிடன் உயர்வதுதான்-அவர்
வாழ்வுக்கு இது விளக்கம்
முத்திரை பதித்த முனிராஜன்- அவர்
மலரடிக்கென் வணக்க்ம் 

5 கருத்துரைகள்:

  1. விவேகம் + ஆனந்தர் = விவேகானந்தர் பற்றிய நினைவுகள் அருமை. பாராட்டுக்கள். வாழ்த்துகள். பகிர்வுக்கு நன்றிகள்.


  1. எத்தனை யுகங்கள் போனாலும்-அவர்
    ஏற்றிய ஒளியிருக்கும்

    ஞானஒளி சுவாமி விவேகானந்தர் நினைவு நாள் வாழ்த்துகள்.

  1. வீரத்துறவி அல்லவா.. நினைக்கும் போதே நிமிர்கிறது புத்தி !

  1. அவரின் நினைவு நாளில் நல்ல கவிதை. ரசித்தேன் சகோ.

  1. ஜூலை 4 விவேகானந்தர் நினைவு நாளா? அவரைப் பற்றி அதிகம் படித்ததில்லை. படிக்கணும். கவிதை நன்று. 'எங்கள் கிழக்கில் எழுந்த கதிர்'.. கர்வம் புரிகிறது.

Post a Comment

உங்கள் மின்னஞ்சல் முகவரி...

Popular Posts

எங்க ஏரியா.. உள்ள வாங்க!!!

 
பறத்தல்- பறத்தல் நிமித்தம் © 2011 - Designed by Sibhi Kumar