நிறுவனர்:நிலாமகள். Powered by Blogger.

எனது சிறகசைப்பில் அலைப்புறும் காற்றில் இளைப்பாற வருக...

அகழ்வாரைத் தாங்(க்)கும் நிலம்

Thursday, 7 March 2013 23 கருத்துரைகள்

உயிர் போகும் வரை கழுத்தில்
கயிறு இறுக்கி என்னைச் சாகடி

வலுக்கட்டாயமாய் என் வாய்திறந்து
முழுக்கக் கவிழ்த்துவிடு பூச்சிமருந்தை

முழுக்குப்பி திராவகத்தை
எனை நோக்கி வீசியெறி

மண்ணெண்ணையால் என்னைக் குளிப்பாட்டி
ஒற்றைத் தீக்குச்சியால் உடல் கொளுத்து

கனரக வாகனத்தை கடும் வேகத்தோடு மோதி
என்னைச் சிதறடி

நள்ளிரவு உறக்கத்தில் தலையணையால் நாசியடைத்து
உடலைக் கட்டையாக்கு

ஆவேச உச்சத்தில் அடித்து துவம்சித்து
நார் நாராய் கிழி எனதுடலை

ஐந்தாறு மனிதக் கழுகுகளோடு
என் சதைபிய்த்து உன் பசியாற்று

நவீன கொலைக்கருவிகளால் 
ஒருநொடியில் உயிர்போக்கு

நயவஞ்சக நரிமுகம் காட்டி
தினமொரு சித்திரவதை செய் என்னை

என்னைத் துண்டு துண்டாய் வெட்டி
மசாலாதடவி ருசியேற்றி 

கொதிக்கும் எண்ணெய்க் கொப்பரையில்
வறுத்துத் திண் நரபோஜியே

அகழ்வாரைத் தாங்கும் 
நிலமும் ஓர் நாள் 
எரிமலையாக...
கொதிநீர் ஊற்றாக...
உருமாறுவது போல் 

என்போன்றதொரு பெண்ணால்
உயிர்வளர்த்து உடல்வளர்த்த
உன்னையும் பெற்றாளே - அவள்
தன் கருப்பையை கழற்றியெறியட்டும்
இன்றைய கண்ணகியாக...

பொசுங்கிச் சாம்பலாகட்டும்
ஆண் எனும் ஆணவம்.

உங்கள் மின்னஞ்சல் முகவரி...

Popular Posts

எங்க ஏரியா.. உள்ள வாங்க!!!

 
பறத்தல்- பறத்தல் நிமித்தம் © 2011 - Designed by Sibhi Kumar