நிறுவனர்:நிலாமகள். Powered by Blogger.

எனது சிறகசைப்பில் அலைப்புறும் காற்றில் இளைப்பாற வருக...

“மின்மினிகளால் ஒரு கடிதம்”- அப்துல் ரஹ்மான்

Tuesday, 14 February 2012
*விளக்காக எரித்தல்
விட்டிலாக எரிதல்
வேறென்ன இருக்கிறது
காதலில்?
^^^^^^^^^^^^^^^
*நான் தவளை
என் கிணறு நீ
இது என் பெருமை.
^^^^^^^^^^^^^^^^
*நீ காற்று நான் சுடர்
என்னை
எரிப்பதும் நீதான்
அணைப்பதும் நீதான்.
^^^^^^^^^^^^^^^^^

*நான் தோணி
நீ கரையா? புயலா?
தெரியவில்லை.
^^^^^^^^^^^^^^^^^^
*சுடரின் ஒளியாய்
சுவரில் ஆடும்
நிழல்கள் நாம்.
^^^^^^^^^^^^^^^^^^
*உன் சிரிப்பில் சுரந்த
கண்ணீர் போல்
பூவில் பனித்துளி.
^^^^^^^^^^^^^^^^^
*நான் வெறும் ஓட்டை மூங்கில்
காற்றும் நீ
வாயும் நீ
விரலும் நீ.
^^^^^^^^^^^^^^^^^^
*காதல் தோல்விக்கு
ஏன் கலங்குகிறாய்?
அது வாழ்க்கையின்
வெற்றிகளை விட
உயர்ந்தது.
^^^^^^^^^^^^^^^^^^^^
*விளக்கிடம் விட்டில் சொன்னது
எரிப்பதில் இருக்கிறது
உன் பெருமை
எரிவதில் இருக்கிறது
என் பெருமை.
^^^^^^^^^^^^^^^^^^^^
*உன் நதியில் நானொரு துளி
என் விதியில்
நீயோர் எழுத்து.
^^^^^^^^^^^^^^^^^^^
*இந்தப் பனித் துளிகள்
இரவு யாருக்காகவோ
அழுதிருக்கின்றன
என்னைப் போலவே.
^^^^^^^^^^^^^^^^^^^^
*மேகமாகி
உன்னைப் பிரிவதும்
நதியாகி
உன்னைத் தேடிவருவதும்
எனக்கு விதிக்கப்பட்டிருக்கிறது.
^^^^^^^^^^^^^^^^^^^^^^
*உன் கோபமும் எனக்கு இன்பம்தான்
எனக்குத் தெரியும்
எனக்கு நீ
நெருப்பால் எழுதும் காதம் கடிதமது.
^^^^^^^^^^^^^^^^^^^^^
*தரைக்குத் தண்ணீர் மேல் தாகம்
தண்ணீருக்கு தரைமேல் பசி
உன்னையும் என்னையும் போல்.
^^^^^^^^^^^^^^^^^^^^^^
*காதலின் நஞ்சைக் குடித்தே
சாகாமலிருப்பவன் நான்!
மரணமே!
என்னை என்ன செய்யமுடியும்
உன்னால்?
^^^^^^^^^^^^^^^^^^^^^^^^

20 கருத்துரைகள்:

  1. அருமையான கவிதை.

  1. நல்ல பகிர்வு சகோ... காதலர் தின ஸ்பெஷல் நன்றாக இருக்கிறது....

  1. ரொம்ப வருசத்துக்கு முன்பு இந்த புத்தகத்தை படித்த ஞாபகம் போலவே இருக்கு...
    தொகுப்பின் முதல் கவிதை இப்படி தொடங்குமா மேடம்...

    "காதல் சாளரம்
    திறந்தேன் -
    கடவுள் தெரிந்தார் "

    காதலர் தின வாழ்த்துக்கள்

  1. ஹேமா said...:

    காதலை எப்படி யார் மொழிபெயர்த்தாலும் அழகுதான்.உங்களுக்கும் என் காதல் வாழ்த்துகள் நிலா !

  1. கவிதைத்தீயில் விழுந்துவிட்ட விட்டில் நான். கவிதைச் சாகரத்துக்குள் ஈர்க்கும் காதல் வரிகளுக்கு நன்றி. வாழ்த்துக்கள் நிலாமகள்.

  1. உங்களுக்கு என் இன்றைய பதிவில் விருதினை அளித்துள்ளேன். வந்து பெற்றுக்கொள்ளுமாறு அன்புடன் வேண்டுகிறேன்!

  1. manichudar said...:

    காதல் சாகரம், வற்றவே வற்றாது , காதல் கவிதையின் வீச்சும் பரப்பும் அத்தகையன. நல்வாழ்த்துக்கள்.

  1. manichudar said...:

    காதல் சாகரம், வற்றவே வற்றாது , காதல் கவிதையின் வீச்சும் பரப்பும் அத்தகையன. நல்வாழ்த்துக்கள்.

  1. எனக்கு கிடைத்த "Liebster Award " இந்த விருதினை தங்களுக்கு வழங்குவதில் பெரும் மகிழ்ச்சி.
    http://alaiyallasunami.blogspot.in/2012/02/blog-post_17.html

  1. நான் வெறும் ஓட்டை மூங்கில்
    காற்றும் நீ
    வாயும் நீ
    விரலும் நீ.


    அருமை!

  1. காதலர் தினத்தில் காதல் கவிதைகளோ தோழி?

    வாழ்த்துக்களாலும் விருதுகளாலும் மகிழ்வுகளாலும் நிறையட்டும் வாழ்வு.

  1. நல்ல கவிதைகள் .நன்றாக இருக்கிறது வாழ்த்துக்கள்.

  1. ஹ ர ணி said...:

    நல்ல முத்து மாலை. அனுபவித்தேன்.

  1. *விளக்காக எரித்தல்
    விட்டிலாக எரிதல்
    வேறென்ன இருக்கிறது
    காதலில்?//நல்ல கவிதைகள்

  1. Ramani said...:

    அருமையான கவிதைகளை
    பதிவாக்கித் தந்தமைக்கு மனமார்ந்த நன்றி.
    வாழ்த்துக்கள்

  1. மின்மினிகளாய் மின்னும் அழகான வரிகள்..
    பகிர்வுக்குப் பாராட்டுக்கள்..

  1. வணக்கம் எனக்கு கிடைத்த versatile Blogger award ஐ தங்களுக்கு வழங்குவதில் பெரு மகிழ்ச்சியடைகிறேன்.

  1. 80களில் ரெஹ்மானைப் படித்ததுண்டு. அவரின்

    உன் கண்கள்
    மீன்வலையா?
    கொசுவலையா?

    என்னை ஆச்சர்யப் படுத்தியதுண்டு.

    இப்போது அவர் வேதங்களையும் ஆன்மீக சித்தாந்தங்களையும் படித்து வருகிறார். அவற்றின் தெறிப்பு எல்லாக் கண்ணிகளிலும் இருப்பதாய் உணர்கிறேன் நிலா.

    பகிர்வுக்கு நன்றி.

    தொடர்ந்து படித்து வருகிறேன் உங்கள் இடுகைகளை. சூழல் காரணமாக உடனடியாக என் பின்னூட்டங்களை இடமுடிவதில்லை.தவறாக எண்ண வேண்டாம்.

  1. vasan said...:

    /*நீ காற்று நான் சுடர்
    என்னை
    எரிப்பதும் நீதான்
    அணைப்பதும் நீதான்."/

    இது ஒரு வைர‌ம்.
    ஜொலிக்கும் விஷம்.

  1. உன்னைக் காதலித்த இதயத்தை
    உன்
    நிணைவுகளால் தண்டிக்கிறேன்,

Post a Comment

உங்கள் மின்னஞ்சல் முகவரி...

Popular Posts

எங்க ஏரியா.. உள்ள வாங்க!!!

 
பறத்தல்- பறத்தல் நிமித்தம் © 2011 - Designed by Sibhi Kumar